حبك ليــــــــــــــــه 
بحبك ليه ؟مانيش عارفة 
وغيرك ليه مانيش شايفه 
***** 
وتبقى الكلمة فى لسانى 
ونفسى إنى أقولها لك 
أشوفك يتقلب حالى 
وأنسى إنى جيالك 
واروح دايبة من الكسفة 
بحبك ليه مانيش عارفة 
***** 
بحبك ليه وقدامى كتير زيك بتتــمنى 
يطيـّربيه أحلامى وياخد إيدى للجنــة 
وأقوله لأ أنا آسفة بحبك ليه مانيش عارفة 
***** 
باحبك ليه مع إنك بتسمعنى ولا تردش 
ويوصلنى كتير عنك أقول كدبة وماهتمش 
ما يمكن شافهابالصدفة بحبك ليه ..مانيش عارفة !!

عزاء واجب للجنيه المصري

يسعدنى ان اقدم لكم قصيدة عزاء واجب للجنيه المصرى للشاعر العريق الدكتور عصام الغنام
الله يرحم أيامك
يا أحمر يا أبو طلعة بهية
ضعت ووياك أحلامك
تسبق دولارات وروبية
*******
سموك فى الدنيا مصارى
وإحنا نسميك أبو مادنة
ساكن فى قصور وحوارى
شامخ فى حروب أو هدنة
*******
اسمك له رنة يا غالى

يغنى عن أى سفير
ومقامنا معاك كان عالى
من غير نصب وتزوير
******
فاكر المليم أبو فتحة
والنكلة ونص بريزة
والنبى تقرالهم فتحة
دا الذكرى علينا عزيزة
*******
لكن وحياة عشرتنا
اعمل لى خدمة وحيدة
تاخد وياك حكومتنا
وتجيب لى حكومة جديدة .

وشكرا

صلاح جاهين الغائب الحاضر ..رباعيات تسرقنا

رباعياته قد تعدت الخيال

ببساطته حكم القلوب

وبخفته سكن العقول

من اجمل ما قرات من رباعياته

 قصيدة علي اسم مصر

هل مصر موميا جميلة صورتها فوق النعش

يعشقها مجنون ينادي عليها ولا تطلعش

هل مصر نار صفصفت, النفخ فيها محال

والأرض نشعت علي رمادها استحال أوحال؟

سألت انا الرافعي كان عجز ولا بيسمعش

لكن عينيه كان يحكوا لي قصص ما اشبعش

يقولولي ماتخافش, مصر بخير وعال العال

مصر الجبرتي ومصر الرافعي حال غير حال

انظر محمد فريد أعظم وأرقي مثال

علي اسم مصر

احمد فؤاد نجم يغرد ..يلعن جنابك

غرد الشاعر  المصري فؤاد نجم علي حسابه الشخصي علي تويتر تغريده اكثر من 3 مرات وهو شئ غير متعارف عليه بين تغريدات الشخصيات المعروفه
وكانت تغريدته مقطوعه شعريه بعنوان يلعن جنابك
ملعون جنابك ملعون كمان اللى جابك ملعون قطيعك .. على اللى فكّر فيوم يطيعك على اللي سابك تنشر كلابك

1.